Pinter Can Tangtu Sukses

Universitas Stanford geus ngayakeun panalungtikan ngeunaan patalina IQ (intelligence quotients) jeung kahirupan nu sukses. Tetela cenah urang teh sok ngagegedekeun teuing kana jumlah IQ nu luhur. Padahal IQ nu luhur teh bisa jadi penting mun rek ngahontal angka ijazah anu hade ti sakola, tapi ari dina kahirupan sapopoemah teu mere jaminan anu pasti. Sabab ceuk para ahli, ari dina kahirupan mah nu nangtukeun intelejensi sosial, nu teu bisa diukur ku tes IQ. Intelejensi sosial nyaeta kamampuh urang pikeun ngayakeun hubungan jeung jalama sejen sarat bari jeung ngarti kumaha ngalaksanakeunana.

Memang loba keneh anu salah anggapan kana IQ teh. Sangkan leuwih eces dihandap ieu bisa kabaca tanya jawab ngeunaan IQ saperti nu geus dimuat dina majalah Reader's Digest.

Naha enya jalam anu IQ na luhur hese campur jeung batur..??

Henteu pisan-pisan. Pananglungtikan geus ngabuktikeun jalam anu IQ-na luhur biasa wae bisa campur gaul dina kahirupan sosial. Memang, sabagian leutik sok aya anu hese campur gaul jeung jalma sejejn.

Panalungtikan di State University New York, Downstate Medical Center Brooklyn, NY jeung di Educational Testing Service di Princeton, NJ, netelakeun memang sok aya jalam anu pinter nu mikirna pohara bebasna. Maranehnamah teu kapangaruhan ku jalam rea, malah pohara keukeuh peuteukeuhna dina nanjeurkeun kayakinan. Panalungtikan kapribadian di San Jose State University netelakeun yen sababaraha urang jalama pinter memang sok aya nu sifatna leuwih impulsif, terus terang sarta leuwih bebas ti batan jalma sejena.

Naha enya jalma pinter nimbulkeun akibat hade ka salakina atawa ka pamajikanana..??
Memang, sababaraha ahli nyebutkeun jalam nu bener-bener pintermaha boga kamampuh ngabantu panutan hirupna ku jalan mere kritik konstruktif boh ngeunaan pakean, moral, boh ngeunaan tingkah laku, nyaeta kujalan mere saran nu dinamis, lain ngan ukur ngarasula wungkul.  

Naha bener, nu pinter mah teu boga perhatian atawa tara parigel dina olah raga..??
Henteu. Bisa jadi sababaraha urang jalma pinter pohara sibukna ku urusan "mikir" nepi ka olah raga mah teu kasiwer. Tapi, karereaanana mah boga perhatian nu pohara jembarna, ka asup olah raga. Sababaraha panalungtikan, upamana wae National Merit Scholarship Survey, netelakeun jalma nu palinter umumna leuwih kuat, jangkung, sehat jeung beurat tibatan jalma nu IQna handap.

Ari latihan pisik, naha bener nimbulkeun akibat hade kana mental..??
Bener kitu. Para ahli geus sapuk, program latihan pisik nu mayeng bakal nimbulkeun mental nu mencrang, luyu jeung nambahanana oxigen nu asup kana uteuk.

Naha bener kadaharan boga pangaruh kana kamampuh mental..??
Memang bener kitu, ceuk para dokter oge. Hal nu penting nedunan pangabutuh uteuk nyaeta Blood Sugar (gula). Mun ieu kadar gula handap teuing, anjeun moal bisa mikir bener. Kukituna, lain hal nu hade lamun urang teu dahar samemeh digawe, Sanggeus anjeun dahar, anjeun bisa mikirkalawan bener.

Mun Urang boga IQ nu luhur, naha bener moal boga kasugemaan cinta..??
Teu pisan-pisan. Paul C. Glick ahli sosiologi, netelakeun jalma nu bisa milih panutan hirupna sarta kawin kalawan bagja, karereaana nyaeta jalma nu atikanana luhur sarta kapinteranana oge luhur deuih. Sedengkeun jalma nu mineng kuciwa dina cinta sarta rumah tangga, ceuk para ahli, karereaanana jalma nu atikanana handap sarta IQna oge handap.

Beuki luhur IQna, naha bakal leuwih dinamis..??
Henteu. Para ahli jiwa nu nalungtik kapribadian, netelakeun IQ luhur saeutik patalina jeung pribadi nu narik, atawa nu gede pangaruhna. Jalma nu IQna rata-rata, kitu deui nu IQna luhur, sarua wae bisa boga pribadi nu narik, pikareuseupeun atawa sabalikna teu pikareuseupeun.

Mun parasaan urang senang, naha bener mikir leuwih mencrang..??
Memang kitu. Sabalikna, mikir moal bener mun urang keur aya dina kaayaan susah, putus pangharepan atawa rea kasieun jeun karungsing.

Mun anjeun pohara pinterna, naha bener teu kudu salempang mental beuki turun mun umur geus kolot..??
Bisa bener bisa henteu. Sababaraha kasakit pisik, saperti arterioclerosis bisa nyababkeun pikun leuwih gancang karandapan ku urang. Para ahli sapuk, intelejensi teh sarua wae jeung awak urang, mun dipakemah bakal leuwih kuat.
Sabenerna, IQ bisa tumuwuh atawa sabalikna bisa turun. Beuki saeutik pikiran digunakeun, bakal leuwih gancang turuna mental karandapan ku urang.

Naha aya tarekahna sangkan IQ bisa dironjatkeun..??
Memang aya. Prop. Milton Schwebel ti Rutgers University Graduate Psycology Department nyebutkeun, "Sim kuirng optimis tingkat kapinteran jalma teh bisa dironjatkeun." Sabenerna skor IQ teh can mangrupa angka pasti, nu teu bisa dirobah deui, saperti anggapan urang nu enggeus-enggeus. Lingkungan nu nyugemakeun atawa sabalikna nu teu nyugemakeun bisa mangaruhan luhur handapna IQ barudak. Nuturkeun panalungtikan di University of Iowa, sakola nu hade jeung nu goreng nimbulkeun pangaruh kana jumlah IQ barudak, bisa ngarobah nepi ka 5 angka. Kitu deui, kayaan di imah, bakal nimbulkeun pangaruh gede kana IQ barudak.

Naha bener IQ barudak leuwih sarua jeung kapinteran Indungna tibatan Bapana..??
Memang kitu, sabab barudak leutik biasana lingkunganana leuwih dekeut jeung indungna tibatan jeung bapana.

Naha ari IQ luhur teh ngajamin bakal sukses dina hirupna..??
Ah, henteu. Sabenerna IQ teh ngan ukur salah sahiji indikator tina kamampuh diajar, kukituna lain hal anu mangrupa ukuran kamampuh urang sacara pasti jeung lengkep. Tes IQ henteu ngukur sarupaning kamampuh sejen saperti Imajinasi, kainsafan (insigh), kreativitas jeung mikir orisinil. Sabenerna aya kana 100 macemna intelenjensi nu geus di pisah-pisahkeun deui, saperti nu geus dilakukeun Aptitude Research project di University Southern California.
Contona wae, aya nu diesbut intelejensi sosial. Para politikus jeung tukang dagang nu busa wae IQ mah biasa, rea pisan nu ngabogaan intelejensi sosial nu kuat. (kk)